Յիսուսի Մօտեցումը

/in ,

Յովհ. 2:15, Յովհ. 3:17

Ի՞նչ է հոգեւոր հասունութիւնը եւ ի՞նչ է անոր նպատակը:

Աշխարհի վրայ, շատ մը եկեղեցիներէ ներս եւ դուրս բազմաթիւ հաւատացեալներ կան, որոնց մեծամասնութեան մէջ հոգեւոր հասունութիւն չ’երեւիր:

Իր օրերուն Տէր Յիսուս պէտք ունէր եւ այսօր ալ պէտք ունի հասուն աշակերտներու:

Հրեայ րապպիներ, ուսուցիչներ իրենց կրօնական գիրքերով գիտութիւն ջամբելէ աւելի, կը փափաքէին իրենցմէ բաժին մը դրօշմել իրենց աշակերտներուն վրայ:

Տէր Յիսուս ալ նոյնանման տեսիլք մը ունէր Իր աշակերտներուն համար (Ղուկ. 6:40): Թէեւ Ան չէր պատկաներ մտքի աւանդական դպրոցին, սակայն հետեւեցաւ րապպայական օրինակին փափաքելով որ Իր հետեւորդները ոչ միայն ունենան Իր գիտութիւնը, հապա նաեւ Իր կեանքն ու սիրտը:

Սակայն կը հարցնենք, ի՞նչ կը նշանակէ Յիսուս Քրիստոսի նմանիլ: Որո՞նք են այն մօտեցումները, որոնք կը հաստատեն թէ մենք Իր ժողովուրդն ենք:

Եկէք փորձ մը կատարենք, որպէսզի բացայայտուի մեր հասկացողութիւնն ու մօտեցումը, թէ ի՞նչ կը նշանակէ «կերպարանակից ըլլալ» (Հռովմ. 8:29):

Ճիշդ է թէ սխալ – Մէկը որ Յիսուս Քրիստոսի նման է .—

Անչափելի համբերութիւն կ’ունենայ, բարկութիւն չունենար, կը մերժէ բացասական ըլլալ, բոլորին կը ներէ, բոլոր ճշմարտութիւնը միշտ կ’ըսէ, միշտ ժպտուն կ’ըլլայ, բոլորին մասին դրական կը խօսի, փախումներէ կը խուսաբի, բոլորին հետ խաղաղութեան մէջ կ’ըլլայ: Արդեօ՞ք յիշեալները մեզի Քրիստոսի նման կ’ընե՞ն:

Իմ համեստ մօտեցումովս բոլորն ալ սխալ են: Սակայն անհրաժեշտ է այս բոլորը չանտեսել: Եթէ զգոյշ եւ ուշադիր չըլլանք, կրնանք սխալ խորհուրդներ ունենալ մեր Տէրոջ հանդէպ, որպէս թէ պարտէզի մը մէջ դրուած «Բարի Հովիւին» արձանին կը նայինք:

Յիսուսի շատ մը մօտեցումները .—

Աւետարանի արձանագրութիւնները կը յստակացնեն որ մեր Տէրը համբերութեան մէջ անսահման չէր: Երկու տարբեր առիթներով կը տեսնենք այդ (Յովհ 2:15, Մտթ. 21:12): Իրեն համար ընկերակիցներէն շատեր եսակեդրոն մօտեցումներ ունէին (Մտթ. 20:20-28), եւ կրօնական առաջնորդներու մարդոց չարաշահումը դիմագրաւեց (Մտթ. 23:1-39):

Թէեւ Յիսուս բնաւ չի ստեց, բայց ամբողջ ճշմարտութիւնը չըսաւ անոնց, որոնք պատրաստ չէին լսելու (Յովհ. 2:24, Մտթ. 13:10-15): Ան միշտ ալ ուրախ չէր (Եսայ. 53:1-4), երբեմն լացաւ (Ղուկ. 19:41): Յիսուս խնամք եւ հոգատարութիւն ցոյց տուաւ նոյնիսկ Իր թշնամինրուն, սակայն միշտ ալ յատուկ գութ ունէր անկարողին, տառապողին, նեղութեան մէջ եղողին հանդէպ, որոնք Զինք կը սիրէին (Ղուկ. 6:27-36, Յովհ. 14:21-23):

Որոշապէս ոչ մէկը կրնար սխալով մեղադրել Անոր, բայց ինք մեղաւորներու հետ ժամանակ անցուց (Ղուկ. 7:34-39): Մերժեց անբարոյ մարդոց դատապարտել, եւ Իր ամենազօրաւոր քննադատութիւնը կրօնական առաջնորդներուն էր, որոնք կանոնաւորաբար ուրիշները կը դատապարտէին (Յովհ. 3:17):

Իր հետեւորդները օրինակելի դասեցին Անոր մտային առողջութիւնը, բայց Իր թշնամիները մեղադրեցին թէ դեւ կայ Անոր մէջ, եւ Իր ընտանիքն ու ընկերները խորհեցան որ խենթացեր է (Յովհ. 10:20, Մրկ. 3:21):

Մէկ նախադասութիւն կը բացատրէ Իր մօտեցումը.—

Յիսուսի աշակերտներէն մէկը, քանի մը բառերով ամփոփեց իր Ուսուցիչին կեանքը: Յովհաննէսի մօտեցումով վարդապետը, որ փոխած էր իր կեանքը «շնորհքով ու ճշմարտութիւնով լեցուն էր» (Յովհ. 1:14):

Մեր Տէրոջ ամէն մէկ մօտեցումը կապուած էր ուրիշներու հանդէպ ունեցած մտահոգութեամբ, բժշկեց, լացաւ, սորվեցուց, հանգստացուց, աղօթեց, լումայափոխներուն սեղանները քանդեց, կրօնական առաջնորդներուն դէմ կեցաւ, որովհետեւ հասկցաւ ուրիշներու պէտքերը եւ արտորաց հոգալու: Ան միշտ ալ ճշմարտութիւնը սիրոյ սրտով մը խօսեցաւ:

Իրմէ սորվելու կերպը.—

Յիսուս Քրիստոսի սեղանակիցները, խօսակիցներն ու Ձիթենեաց պարտէզ ընկերակիցները Աստուածաշունչի ուսուցումէն ու վարդապետութենէն աւելի բան մը ստացան: Անոնք Իր հետ ժամանակ անցնելով սորվեցան օրէնքին սիրտն ու հոգին: Ականատես եղան սքանչելի հրաշքներուն, կարճ պատմութիւններուն եւ բարի գործերուն, որոնք ծրագրուած էին ձեւաւորելու ոչ միայն իրենց մտքերը այլ նաեւ սրտերը: Փոքր դողդոջուն, տատանող քայլերով սորվեցան մարդոց սիրել դրամէն, դիրքէն ու զօրութենէն աւելի: Տաճարի աստիճաններուն, փոշոտ ճամբաներուն եւ փոթորկոտ նաւուն վրայ եղողներ տեսան եզակի մօտեցումներ, որոնք կը կամրջէին երկինքն ու երկիրը: Անոնք Իր աչքերուն մէջ տեսան ոչ միայն Իր Հօրը պատկերին ցոլացումը, նաեւ Իր սիրած մարդոց պատկերը:

Ներկայիս տակաւին կը սորվինք Իր մօտեցումներուն մասին, ինչպէս որ Իր աշակերտները սորվեցան: Աւետարաններու պատուհաններով կը դիտենք ուսուցիչներու Ուսուցիչին, Ան հաւաքելով Իր աշակերտները կ’ըսէ, «Երանի անոնց, որոնք կը տեսնեն իրենց հոգեւոր պէտքը, կը սգան իրենց եսակեդրոնութիւնը, որոնք իրենց սրտերը Աստուծոյ կը յանձնեն…» (Մտթ. 5:1-10):

Պօղոս առաքեալ ալ նոյն մօտեցումը տարբեր բառերով ներկայացուց երբ գրեց «բան մը գրգռութիւնով կամ սնապարծութիւնով մի ընէք. հապա խոնարհութիւնով մէկզմէկ ձեր անձէն լաւ սեպեցէք: Միայն անձերնուդ շահը մի նայիք, հապա ամէն մէկը իր ընկերինն ալ: Ձեզմէ ամէն մէկը նոյն միտքը թող ունենայ, որ Քրիստոս Յիսուսի մէջ էր (Փիլ. 2:3-5):

Հոգեւոր հասունութիւնը շիտակ բաները ընել սորվելէ աւելի է: Աւելի տարբեր է հարցնելէն, «եթէ Յիսուս ըլլար ի՞նչ պիտի ընէր»: Քրիստոսանման մօտեցումներ ունենալը կը պահանջէ հարցնել, «Որո՞ւ եւ ի՞նչ բանի համար պիտի հոգամ»:

Հին, հին խօսք մը կայ որ կրկնուելու արժանի է .—Ուրիշներու հոգը չէ որքան գիտենք, մինչեւ ցոյց տանք մեր հոգատարութեան չափը:

 

© 2020 by Dikran Shanlian, Published in «Բարի Լուր» Տարի 28,  Թիւ 236

Rev. Dikran Shanlian is the senior pastor of Armenian Evangelical Brethren Church (Glendale, CA). 

 

 

«Շողակաթ» Շաբաթօրեայ Հայկական Վարժարանի Տարեշրջանի Աւարտը

/in , ,

ԿԱՐԻՆԷ ՏԷՐ ԳԷՈՐԳԵԱՆ

 

Անցեալ տարի, Օգոստոսի 24ին, Գլենդելի Հայ Աւետարանական Եղբայրների եկեղեցում, յատուկ հանդիսութեամբ կատարուեց «Շողակաթ» շաբաթօրեայ հայկական մի նոր վարժարանի հիմնարկէքը։

Զարմանալի էր երեւոյթը. իրենց փակումը «աւետող» մի շարք սփիւռքեան խոշոր հայկական դպրոցների կողքին, մի քանի նուիրեալներ համարձակուել էին հոսանքի ուղղութիւնը փոխել եւ եկեղեցուն կից, շատ փոքրիկ խմբով, հիմնում էին հայոց լեզուի ուսուցման կենտրոն, արեւելահայերէն եւ արեւմտահայերէն ճիւղերով, ծրագրելով դպրոցի ընդարձակումն ու ընդլայնումը այլ մշակութային բաժինների միջոցով։

Յանդուգն էր որոշումը՝ կարօտ յամառ աշխատանքի, կամքի եւ յարատեւութեան։ Եւ միայն հայ լինելու եւ մնալու պատիւն ու նուիրումը կարող էին քաջալերել հիմնադիրներին, ուսուցիչներին եւ այդ առաքելութեանը հաւատացող ծնողներին։

2020ի Մայիսի 23ին, վարժարանը աւարտեց առաջին տարեշրջանը, իր յանդուգն որոշումը շարունակելով է՛լ աւելի դժուար պայմաններում. համաճարակի թելադրած արգելափակման պարտադրանքով ուսուցումն ընթացաւ առցանց։

Առցանց ընթացաւ վարժարանի կազմակերպած ապրիլեան Եղեռնի ոգեկոչման միջոցառումը, իսկ եկեղեցու կողմից կազմակերպուող Մայրերի օրուայ նուիրուած հանդիսութեան աշակերտների մասնակցութեան պատրաստութիւնը հնչեց առցանց դասընթացքների ժամանակ։

Ուսումնական տարեշրջանի ընթացքում աշակերտ-աշակերտուհիները լսեցին հայերէն խօսքը, սովորեցին այբուբենի տառերի մի մասը, փորձեցին կարդալ, գրել հայերէն, երգեցին, արտասանեցին հայերէն։ Այս գիտելիքներով զինուած, տարեշրջանի կէսին պատրաստեցին Նոր Տարուայ հանդէս եւ իւրացրած տառերը ցուցանակներով ներկայացրին իրենց ծնողներին։

Հիմնականում իրագործուել էր դրուած ծրագիրը, հակառակ կամքից անկախ ստեղծուած պայմաններին։

Ինչպիսին էլ լինեն գալիք օրերի դասաւորումները, դպրոցը պատրաստ է յարմարուելու իրավիճակներին եւ առաջիկայ ուսումնական տարեշրջանին սիրով հիւրընկալելու է իր աշակերտներին․ նաեւ պատրաստ է ընդունելու նոր աշակերտներ։

Յաւելեալ տեղեկութիւնների համար կարելի է զանգահարել (818) 254-8806 հեռախօսահամարով կամ այցելել «Շողակաթ» դպրոցի կայքը՝ http://shoghagat.org։

 

This article originally appeared May 26, 2020 on Asbarez.com

Easter Bible Giveaway

/in ,

POSTPONED UNTIL FURTHER NOTICE DUE TO RAIN IN FORECAST

April 10, 2020

People looking for an Easter church service on April 12 will likely find locked doors, due to the coronavirus. But one church in town will have a special Easter experience for those who drive by the church.

Armenian Evangelical Brethren Church is joining a nationwide effort to invite people into the Resurrection story with an Easter Bible Drive-Through. Maintaining social distancing, each driver will be offered a free Bible (English or Armenian).

The drive-through will be offered starting at 11:30 AM at the church at 1800 Lake Street, Glendale CA 91201. Drivers will remain in their vehicles as they pick up the Bibles. The free Bibles will be available while supplies last, according to church leaders.

Each Bible will be already marked with the Easter story, and other passages of hope.

Rev. Dikran Shanlian, the church’s pastor, said, “100 churches across the United States are participating in the Easter Bible Drive-Through. The effort was organized by Group Publishing of Loveland, Colorado, which publishes the English Jesus-Centered Bible. A donation by Group and friends of the church have contributed both Armenian and English Bibles for this one-time event.”

For more information, contact Pastor Shanlian at the church: (818) 507-7400 [email protected].

Ապրիլ Անոր Սիրով

/in

«Ուրեմն Ո՞վ Պիտի Զատէ Մեզ Քրիստոսի Սէրէն…» – Հռովմ. 8:35

 

Ահաւասիկ ճակատագրական հարցում մը, որուն ամէն մարդ պատասխանելու է, նամանաւանդ ամէն Հայ:

Ապրիլ ամիսը մեզի կ’առաջնորդէ երկու ճամբորդութիւններու, մէկը դէպի Գողգոթա եւ թափուր գերեզման, որուն փոքրաթիւ հայորդիներ կարեւորութիւն կ’ընծայեն, իսկ երկրորդը աւելի մասսայական ազդեցութիւն ունի եւ մեզի կը տանի Պոլիս, Տէր Զօր, Ատանա եւ այլ Կիլիկիոյ եւ պատմական Հայաստանի տարբեր գաւառները: Ազգովին կը յիշենք, կը հաղորդուինք, կ’որոշենք եւ կը վճռենք թէ պիտի ապրինք: Թուրքը ծրագրեց բնաջնջել մեզ. այսօր կ’ուզենք ապրիլ. բայց ինչպէ՞ս … ապրինք Քրիստոսի սիրով:

Առաքեալներէն սկսեալ սուրբերու մեծաթիւ բանակը ասպարէզ կարդացած է զինք Քրիստոսի սէրէն բաժնելու ձգտող վիճակներուն: Առաքեալը կարելիութիւններ կը յիշէ, որոնք հարցականով ներկայացուած կու տան բացասական մտքեր ու անկարելիութիւններ:

Ո՞վ կրնայ զատել…Տառապանքը, ո՛չ, բայց վայելքը, այ՛ո: Նեղութիւնը, ո՛չ, բայց հանգիստը, այ՛ո: Մերկութիւ՞նը, ո՛չ, պերճանքը, այ՛ո: Վտա՞նգը, ո՛չ, բայց ապահովութիւնը, այ՛ո:

Արդեօք ի՞նչ բանը կը զատէ քեզ Քրիստոսի սէրէն. կ’արժէ խոկալ, բազկերակը քննել, ամբողջական անձնաքննութիւն մը կատարել ու տալ ճշգրիտ եւ արդար պատասխան:

Փոքր չէ թիւը անոնց, որոնք կ’աղաղակեն երէկի իրենց սէրն ու նուիրումը կորսնցուցած ըլլալու խղճահարութեամբ:

Երէկ աղօթքի մրմունչներ քուլայ-քուլայ կը բարձրանային վեր, դէպի երկինք, մինչ այսօր աշխարհիկ, թրքաոճ «նորոյթ» երաժշտութիւնը գրաւելով Հայ տուներու բոլոր բաժինները նաեւ կ’անձրեւէ փողոց տուներէն եւ ինքնաշարժներէն:

Երէկ պաղատագին կ’աղօթէինք, «Տէր մեր ամէն օրուան հացը մեզի տուր», կ’ապրէինք Աստուծոյ եւ երկինքի շատ մօտ: Այսօր, ճոխ  ու փարթամ սեղաններու առջեւ արդէն գիտենք թէ փոքր եւ խոշոր մարգէթները կենսատու աղբիւրներն են մեր բարիքներուն. այդ իսկ պատճառով մեր մտածումներն ու խօսակցութիւնները կը դառնան շուկաներու եւ գիներու շուրջ, իսկ մեր անօթի հոգիները կը տառապին ճոխ սեղաններու ետին:

Երէկ Թուրքին եաթաղանին առջեւ Յիսուսի համար նահատակուելու պատրաստակամ հաւատացեալներ՝ այսօր աշխարհսիրութեամբ գինովցած պաշտամունք կը մատուցենք նիւթական երեւոյթներու:

Ի՜նչ հսկայ տարբերութիւն…երէկ եւ այսօր, Քրիստոսի սիրով ու Քրիստոսէ հեռու:  Մռնչող առիւծի նման յարձակող կատաղի սատանան, այսօր կ’ընտրէ խաղաղ թափանցումի ճամբան, խորամանկ քաղաքականութեան իր հին մեթոտին:

Այսօր բազմաթիւ վիճակներ կը զատեն մեզ Քրիստոսի սէրէն ու Քրիստոսի սէրը ճաշակողներէն: Մեր հայրերն ու մայրերը ամէն բան աղտեղութիւն սեպեցին, որպէսզի հաւատարիմ մնան իրենց Քրիստոսին, իրենց Սիրոյն:

Սատանան կը ջանայ ու յաճախ կը յաջողի սուրբերու զգայարանքներէն ընդդիմութիւնը տկարացնել ներարկելով աշխարհսիրութեան շիճուկը ու մտքին հրամցնելով նոր, կործանարար ըմբռնումներ եւ տեսութիւններ, որոնք ճակատագրական  աղէտաբեր դեր կը կատարեն անհատական եւ հաւաքական կեանքերէն ներս:

Աստուծոյ առջեւ ինքնաքննութեամբ պիտի տեսնենք թէ շատ մը ճակատներու վրայ պարտութիւն կրած ենք: Աստուածպաշտութեան մեր բարձունքը լքուած է, սրբութեան պատնէշները քանդուած են, հաւատքի ամրոցները կործանած են ու աւերի մատնուած է մեր սիրոյ եւ նուիրումի դրօշակը: Այսօր չարը անտարբերութեան մատնած է մեզ, եւ խաղաղ թափանցումով յաջողած է ինչ որ ձախողած էր պայքարով իրականացնել:

Ուրեմն զգոյշ, կեանքի խաղաղ պայմանները թմրութեան թող չառաջնորդեն մեզ ու հեռացնեն Քրիստոսի սէրէն:

Թող այսօր ամէն բան ծառայէ աւելի սիրելու Քրիստոսին, նուիրուելու եւ ծառայելու Իրեն:

Քեզ սիրող ու քեզի համար խաչափայտին վրայ Իր արիւնը թափող Տէրը ոեւէ անձէ ու որեւէ բանէ աւելի արժանի է քու անսակարկ սիրոյդ եւ նուիրումիդ:

 

© 2020 by Dikran Shanlian, Published in «Բարի Լուր» Տարի 28,  Թիւ 235

Rev. Dikran Shanlian is the senior pastor of Armenian Evangelical Brethren Church (Glendale, CA). 

 

Նոր Ճամբայ Մը

/in

«Եւ ըսին Մովսէսի, Եգիպտոսի մէջ գերեզմաններ չըլլալո՞ւն համար մեզ անապատին մէջ մեռնելու բերիր, ի՞նչ է այս մեզի ըրածդ որ մեզ Եգիպտոսէ հանեցիր»: Ելից 14:11

Աստուծոյ ժողովուրդը Եգիպտոսէ ելած Մովսէսի առաջնորդութեամբ սկսած է անապատային ճամբորդութեան դէպի Քանան ու կը հասնին Կարմիր Ծովուն եզերքը, եւ ահա Փարաւոնի բանակները իրենց ետեւէն կը հասնին: Որոշապէս պիտի կործանին եթէ աստուածային միջամտութիւն մը չըլլայ:

Որքան յաճախ նոյնանման անել վիճակներու մէջ գտնուելով կը մոռնանք Աստուծոյ առաջնորդութիւնը, կ’անտեսենք Անոր խոստումները եւ արգելքները անլուծելի եւ անյաղթահարելի կը թուին, ու կը մատնեն մեզ շփոթութեան եւ անորոշութեան:

Այս անապատային թափառական վիճակը Աստուծոյ ծրագիրն էր, որպէսզի Ան Իր ժողովուրդը մաքրէ, զտէ ու պատրաստէ խոստացեալ երկիրը ժառանգելու: Անոնք Եգիպտոսէ ելած էին, սակայն Եգիպտոսը տակաւին իրենց մէջն էր: Սուրբ Հոգիին առաջին ջանքերէն մէկն է անձը առաջնորդել չորութեան եւ պարապութեան: Ինչպէս մէկը անապատին մէջ կը կառչի կանաչութեան եւ ջուրին, այդպէս ալ հաւատացեալը կը փարի Աստուծոյ, վայելելով Անոր շնորհքին հարստութիւնները: Իրապաշտ մօտեցում մը կ’առաջնորդէ տեսնալու մեր իսկ պատկերը:

Եկէք քալենք Իսրայէլացիներուն հետ եւ սորվինք խիստ կարեւոր, ճոխ ու հարուստ դասեր:

Ա. Անօգնական վիճակ մը .– «…երկրին մէջ շփոթուած են, անապատը անոնց բոլորտիքը պատեց» 14:3

Իսրայէլացիներ դատապարտուած մեղաւորներու նման անօգնական վիճակ մը ունէին: Իրենց բացակայութեամբ Եգիպտոսի տնտեսութիւնը հսկայական անկում պիտի կրէր: Անոնց անել վիճակը քաջալերեց Եգիպտացիները երթալու անոնց ետեւէն: Արդեօք Աստուած սխալած էր զիրենք այսպիսի «ծուղակ» մը առաջնորդելով: Այս կացութիւնը տեսնելով զարմանալի չէ որ թշնամին կ’ըսէ, «Աստուած թողուց զանոնք, հալածեցէք ու բռնեցէք, ազատող մը պիտի չըլլայ» (Սաղմ. 71:11):

Բ. Յուսահատ աղաղակ մը.– «…Իսրայէլի որդիները իրենց աչքերը վերցուցին տեսան ու խիստ վախցան» 14:10

Իսրայէլի որդիները վախի մէջ են, իրենց հայրը Յակոբ ալ տարիներ առաջ նոյնօրինակ վիճակի մը մէջ էր: Ի՞նչ էր այս վախին ազդեցութիւնը: Ոմանք իրենց ձայները Աստուծոյ բարձրացուցին եւ աղօթեցին, ահաւասիկ դրական արդիւնք մը, իսկ ուրիշներ սկսան Մովսէսի դէմ տրտնչալ, այս պարագային վախը գանգատի առաջնորդեց: Կարծես թէ յանկարծ Աստուծոյ բազուկը կարճցած էր եւ այլեւս հրաշքներ կատարելու անկարող էր ու ելք մը չունէին, միայն մահն էր որ իրենց կը սպասէր անապատին մէջ:

Ո՜վ Աստուած, զօրութիւն չունինք, դէմ դնելու կարողութիւն չունինք, դատաստան չե՞ս ըներ: Բոլոր երկրաւոր օգնութիւն եւ յոյս պէտք է վերջ գտնէ, որպէսզի Աստուած գործէ: Երբ աշակերտները փոթորիկի մէջ անյոյս էին, Տէրը փոթորիկը սաստեց եւ ծովը հանդարտեցուց:

Գ. Թանկագին շնորհք մը.– «Մի վախնաք, հանդարտ կեցէք ու տեսէք Տէրոջը փրկութիւնը» 14:13 Աստուած նեղութիւններու մէջ խիստ օգնական կը գտնուի, Ան գիտէ իրենինները նեղութենէ ազատել: Փրկութիւնը գործերէն չէ, այլ լոկ շնորհք, «Տէրը ձեզի համար պիտի պատերազմի»: Այս փրկութիւնը խօսքով ալ չէ «դուք լուռ կեցէք»:

Տէր Յիսուս բոլորը կատարած է եւ մեր զօրութիւնը հանդարտ ըլլալ է:

Հիանալի շնորհք ինչ քաղցր ես դուն…:

Դ.Սքանչելի ազատութիւն մը – «Տէրը ծովը ցամաք ըրաւ» 14:21

Այս օրհնեալ փրկութեան նոր ճամբան ամբողջութեամբ Աստուծոյ գործն էր: Յոգնած մարդոց ոտքերուն համար, որոշապէս գերբնական զօրութիւն մը կը պահանչէ, որպէսզի դժուարութիւններն ու արգելքները վերանան եւ ազատութեան ձրի եւ բաց ճամբայ մը ըլլայ:

Տէր Յիսուս Իր մարմինի վարագոյրով սրբագործեց նոր եւ կենաց ճամբայ մը մեզի համար (Եբր. 10:20): Այս ճամբան ոչ միայն Տէրը պատրաստեց, նաեւ պահեց որպէսզի երբ պարտքը վճառուած է անհատը փրկուի:

Ահա Աստուծոյ ժողովուրդին արգելքը վերցուած էր եւ անոնք ցամաքով անցան: Մեր Տէրը ոչ միայն ճամբան պատրաստողն է ու բացողը, նաեւ Ինքն է ճամբան (Յովհ.14:6):

Ե. Փրկարար հաւատք մը – «…ըսէ Իսրայէլի որդիներուն որ չուեն, երթան» 14:15

Բաւական չէ գիտնալ թէ ճամբայ մը կայ եւ կամ ճամբան տեսնելը ու հիացումով գովաբանել այդ ճամբան Շինողին իմաստութիւնն ու զօրութիւնը: Պէտք է մտնել այդ Ճամբուն մէջ եթէ ոչ հոգիներու թշնամին կը կլանէ, կը գրաւէ ու կը քանդէ մեզ: Յառաջ գնա, դատաստանի ջուրի պատերը չեն կրնար ողողել քեզ: «Իսկ արդ դատապարտութիւն չկայ Յիսուս Քրիստոսով եղողներուն» (Հռովմ. 8:1): Շատեր անհաւատութեան պատճառով չեն մտներ: Դուն յառաջ գնա:

Զ. Գերհզօր պաշտպանութիւն մը– «Աստուծոյ հրեշտակը…ամպի սիւնը անոնց եւ Եգիպտացիներուն մէջտեղ եկաւ» 14:19-20

Աստուծոյ ճամբուն մէջ քալողներ պիտի պաշտպանուին ու պահուին Աստուծոյ զօրութեամբ: «Թէեւ իյնայ, պիտի չկործանի, վասնզի Տէրը անոր ձեռքը կը բռնէ» (Սաղմ 37:24): Ապահովութեան երաշխիքը Իր ներկայութեան սիւնն է մեր եւ թշնամիներուն միջեւ: Ամպի սիւնը կը լուսաւորէր Իսրայէլացիներուն գիշերը իսկ Եգիպտացիներուն, խաւար էր: Այս սիւնին լոյսն ու հովանին ծածկուած էր Եգիպտացիներէն:

Է. Յաղթական Երգ մը – «պիտի երգեմ Տէրոջը» 15:1

Այս երգը աստուածպաշտութեամբ լեցուն է եւ Անոր փառքին համար է: Շեշտն ու կեդրոնացումը Աստուծոյ վրայ է, «ոչ թէ մեզի, ով Տէր, ոչ թէ մեզի, հապա քու անուանդ փառք տուր…» (Սաղմ. 115:1): Կեանքի ճամբան ճեղքուած, բաժնուած ջուրով է, մեր Փրկչին չարչարանքներով: Քու կեանքդ երգո՞վ լեցուն է, փառաբանութիւն ունի՞ս:

Տէրոջը ճամբուն մէջ յաղթական քալուածք մը ունեցիր: «Մեծ ձայն մը լսեցի, Ալէլուիա, փրկութիւն ու փառք եւ պատիւ ու զօրութիւն մեր Աստուծոյն»: (Յայտ. 19:1): 

 

© 2019 by Dikran Shanlian, Published in «Բարի Լուր» Տարի 27,  Թիւ 234

Լոս Անճելըսի «Շողակաթ» Շաբաթօրեայ Նոր Վարժարանի Բացումը

/in , ,

Դպրոցական վերամուտի նախօրէին կրթա-մշակութային կեանքն սկսաւ վերաշխուժանալ Կլենտէյլի հայահոծ գաղութէն ներս: Արդարեւ «Շողակաթ» մանկա-պատանեկան մշակութային կեդրոնն օժտուեցաւ շաբաթօրեայ նոր վարժարանով մը: Այս կապակցութեամբ յատուկ հանդիսութիւն մը տեղի ունեցաւ Կլենտէյլի Հայ Աւետարանական Եղբայրներու Եկեղեցիին մէջ Օգոստոսի 24ին, 2019:

Եկեղեցւոյ հովիւ Վեր. Տիգրան Շանլեան իր բացման խօսքին մէջ ջերմօրէն ողջունեց ներկաները եւ ըսաւ թէ «Շողակաթ» մանկա-պատանեկան մշակութային կեդրոնը Հայ Աւետարանական Եղբայրներու եկեղեցիին հովանաւորութեան ներքեւ, հոգեւոր սնունդին հետ զուգահեռ, կ’ուզէ ամբողջացնել իր առաքելութիւնը, կերտելու տիպար հայորդիներ, ծաղկեցնելու հայու ինքնութիւնը մատղաշ սերունդին մօտ:

ԱՄՆ-ի արեւմտեան շրջանի Հայ Աւետարանական հանայնքի նախկին հովուապետ Վեր. Յովսէփ Մաթոսեան իր Օրհնութեան աղօթքով եւ նորաբաց կառոյցի կարեւորութիւնը նշելով, յաջողութեան եւ բարի երթի մաղթանքներ փոխանցեց հիմնարկի վարիչներուն:

Անգլերէն լեզուով ելոյթ ունեցաւ Ռոպին Էլմասեան եւ իր բարեմաղթութիւնները ըրաւ «Շողակաթ» մանկա-պատանեկան մշակութային կեդրոնին:

«Մասիս» շաբաթաթերթի անունով ելոյթ ունեցաւ Գաբրիէլ Մոլոյեան: Ան իր ուրախութիւնն ու գոհունակութիւնը յայտնեց ի տես սփիւռքի պայմաններուն մէջ, հայ լեզուի եւ ինքնութեան պահպանութեան գծով կատարուած նման նախաձեռնութիւններուն, որոնք իրենց դրական ազդեցութիւնը պիտի ունենան օտար ափերուն հասակ առնող նոր սերունդին վրայ:

Իր հերթին Վեր. Միքայէլ Եուսուֆեան բարձր գնահատեց «Շողակաթ»ի նախաձեռնութիւնն ու հայ լեզուի պահպանման համար կրթօճախներու վերապահուած ազգօգուտ առաքելութիւնը: Ան իր ելոյթն աւարտեց ըսելով «Ոգեւորենք նոր սերունդը հայ ըլլալու հպարտութեամբ: Սիրենք հայ լեզուն, խօսինք հայերէն եւ պահպանենք մեր ինքնութիւնը»:

Սրտի խօսքով հանդէս եկաւ «Շողակաթ» մանկա-պատանեկան մշակութային կեդրոնի եւ շաբաթօրեայ վարժարանի վարիչ տնօրէնուհի Մարալ Թարխանեան-Օղիկեան: Իր ելոյթէն յայտնի եղաւ որ շաբաթօրեայ վարժարանի գործունէութիւնը պիտի ընդգրկէ հայերէն լեզուի ուսուցում՝ արեւելահայերէն եւ արեւմտահայերէն բաժիններով: Ուսման ծրագրին մէջ ընդգրկուած են նաեւ յատուկ դասապահեր սերմանելու հայ մշակոյթի աւանդները պատանիներու հոգիներէն ներս, երգի, երաժշտութեան, պարի եւ ասմունքի միջոցով, որոնք հայկական բարքերու եւ սովորութիւններու ծանօթացման հետ, մատղաշ նորահաս սերունդին մօտ պիտի ծաղկեցնեն հայու ինքնութիւնը:

Գոործադրուեցաւ գեղարուեստական պատշաճ յայտագիր մը, մասանակցութեամբ Ա. Պուլպուլեանի (նուագ) եւ Աննա Սթեֆանիտի (մեներգ):

Սոյն կրթամշակութային միջոցառումն աւարտեցաւ Վեր. Յովհաննէս Մելգոնեանի ոգեւորիչ ելոյթով ու աղօթքով:

Գնահատելի միջոցառում մը արդարեւ: Բարի երթ եւ արգասաբեր ճանակարհ նուիրեալ նախաձեռնողներուն:

 

Գ. Մոլոյեան

 

This article was originally published in Massis Weekly Vol 39 Issue 32

12345678

Յիսուսի Հպումը

/in , ,

Դանիէլ 10:10,11

Ահաւասիկ գործողութիւն մը, որուն կը կարօտինք: Նոյնիմաստ գործողութիւններ են հպիլ, դպչիլ, դպիլ, շփշփել, թաթել ու քսուիլ, ասոնք Հայերէն բառարանին արձանագրութիւններն են: Հպիլ կը նշանակէ նրբութեամբ եւ քնքշութեամբ դպչիլ:

Կեանքի ընթացքին տարբեր հպումներ վայելած ենք ու կը վայելենք, ինչպէս մայրական հպումը մեր կեանքի առաջին պահերէն, ապա ընտանիքի անդամներու, ազգականներու եւ սիրելիներու հպումը: Այս բոլորին կը գերազանցէ Յիսուսի հպումը:

Հպումը ապահովութեան, քաջալերանքի, կարեկցութեան եւ սիրոյ արտայայտութիւն է ու փոփոխութիւն կը ներմուծէ մեր կեանքին մէջ, յատկապէս կենդանի Աստուծոյ Որդւոյն հպումը:

Այստեղ հարկ է յիշել այն փոփոխութիւնները որոնք կը պարգեւէ Յիսուս Քրիստոսի հպումը:

Ա.- Անոր հպումը կը զօրացնէ- Դանիէլ 10

Աստուծոյ Խօսքը մեզի կը տեղեկացնէ թէ Դանիէլ «երեք շաբաթ սուգի մէջ էի». ախորժելի կերակուր չկերաւ, բերանը միս եւ գինի չմտաւ, նոյնիսկ իւղով չօծուեցաւ: Ապա տեսիլք մը տեսաւ, մեծ տեսիլք մը ու իր վրայ ոյժ չմնաց, ձայն մը լսեց ու երեսին վրայ գետին ինկաւ, «ահա ձեռք մը դպաւ ու ինծի վերցուց», ետքը 18րդ համարով նորէն ինծի դպաւ «Մի վախնար, ով սիրելի մարդ, խաղաղութիւն ըլլայ քեզի, ուժովցիր ու քաջ եղիր»:

Յոգնածին, տկարին ու վախցողին Յիսուս զօրացնող հպում ունի: Կեանքի տարբեր ելեւէջներուն մէջ գիտակցիր թէ Ան կը զօրացնէ եւ Առաքեալին հետ բացականչէ «ամէն բանի կարող եմ, անով որ զիս կը զօրացնէ»:

Բ.- Անոր հպումը կը կենդանացնէ- Ղուկաս 7

Յիսուս Նային քաղաքին դրանը մօտեցաւ, ահա մեռել մը դուրս կը հանէին. մօրը մէկ հատիկ տղան մեռած էր ու կինը որբեւայրի էր: Յիսուս խղճալով այս կնկան ըսաւ, «մի լար» ու դագաղին դպաւ ու ըսաւ «ով պատանի քեզի կ’ըսեմ ելիր», ան ելաւ,

նստաւ եւ սկսաւ խօսիլ, ու ամէնն ալ վախով բռնուած զԱստուած կը փառաւորէին ու կ’ըսէին «մեծ մարգարէ մը ելեր է եւ Աստուած իր ժողովուրդին այցելութիւն ըրաւ»: Ամէն մարդ լսեց այդ դէպքին մասին:

Յիսուս ըսաւ «Ես եմ յարութիւնը եւ կեանքը, ով որ ինծի կը հաւատայ բնաւ պիտի չմեռնի»:

«Ան որ Որդին ունի կեանք ունի»: Երբ մեղքերու ու յանցանքներու մէջ մեռած էինք Ան եկաւ ու դպաւ մեզի ու կենդանացուց:

Գ.- Անոր հպումը կը բժշկէ- Մատթէոս 8,9

Բորոտ մը եկաւ Յիսուսի, երկրպագութիւն կ’ընէր ու կ’ըսէր «Տէր եթէ ուզես, կրնաս զիս մաքրել»:Եւ Յիսուս ձեռքը երկնցնելով դպաւ անոր ու ըսաւ «կ’ուզեմ մաքրուէ» եւ շուտ մը անոր բորոտութիւնը մաքրուեցաւ: Բորոտութիւնը այդ օրերուն անբուժելի հիւանդութիւն էր, բորոտները քաղաքէն դուրս առանձին կը բնակէին: Մեղքը մարդկային միջոցներով անբուժելի է, սակայն դարմանը Ա. Յովհաննուի մէջ կը տրուի «եթէ խոստովանինք մեղքերնիս, հաւատարիմ ու արդար է անիկա մեր մեղքերուն թողութիւն տալու եւ բոլոր անիրաւութենէ սրբելու»:

Երկու կոյրեր աղաղակեցին «ողորմէ մեզի, Որդի Դաւթի»:

Այդ օրերուն Արեւելքի մէջ կուրութիւնը լուրջ հարց մըն էր: Արձանագրութիւնները կը վկայեն թէ Յիսուս նուազագոյն վեց կոյրեր բժշկեց, ամէն մէկուն պարագան ալ տարբեր էր:

Այս երկուքը ճանչցան եւ ընդունեցին թէ Յիսուս Քրիստոս Դաւիթի Որդի է, եւ վճռած էին Անոր հետեւիլ մինչեւ տունը, անշուշտ իրենց առաջնորդող ընկերներ ունէին: Յիսուս անոնց հաւատքը գնահատեց երբ հարցուց «կը հաւատա՞ք թէ կրնամ այս բանը ձեզի ընել», «Այո, Տէր»-ը իրենց դաւանութիւնն էր: Կուրութիւնը հոգեւոր տգիտութիւն է: Ահաւասիկ մեղաւորը վերստին ծնունդի պէտք ունի, միայն այս փորձառութենէն ետք է որ կրնայ Աստուծոյ բաները տեսնել: Եթէ հաւատացեալը չաճի կը վնասէ իր հոգեւոր տեսողութեանը:

Յիսուս անոնց աչքերուն դպաւ եւ ըսաւ «ձեր հաւատքին պէս ըլլայ -զգոյշ կեցէք մէկը չիմանայ»:

Դ.- Անոր հպումը կը թարմացնէ- Մատթէոս 9

Պետրոսի զոգանչը ջերմով բռնուած էր ու Յիսուս անոր ձեռքին դպաւ ու ջերմը հեռացաւ, ելաւ ու ծառայութիւն կ’ընէր: Հպումը ջերմութիւնը փոխեց ու պարգեւեց թարմութիւն:

Մեղքին այրող, վիրաւորող ազդեցութիւնները կրնան դարմանուիլ Յիսուսի կողմէ, Ան բժշկապետն է, պէտք չունի ախտաճանաչում կատարելու, Ան գիտէ եւ կարող է:

Որպէս արդիւնք շատեր լսեցին, դիւահարներ բերին, խօսքով հանեց չար ոգիները եւ բժշկեց բոլոր հիւանդները, ինչո՞ւ, որպէսզի Եսայի մարգարէին ձեռքով ըսուած խօսքը կատարուի «Անիկա մեր հիւանդութիւնները վերցուց եւ մեր ցաւերը կրեց»:

Ե.- Անոր հպումը կ’ողորմէ- Մարկոս  7

Տիւրոսի եւ Սիդոնի սահմաններէն ելլելով եկաւ Գալիլիայի ծովեզերքը Դեկապոլիս… մէկը բերին անոր առջեւ, խուլ եւ դժուարախօս, կ’աղաջէին որ անոր վրայ ձեռք դնէ: Իր մատերը անոր ականչներուն խոթեց, թքաւ եւ անոր լեզուին դպաւ, ըսաւ Եփրաթա Արամերէն բառ մըն է որ կը նշանակէ բացուէ, արձակէ:

Յիսուս այս հիւանդը հեռացուց ժողովուրդէն:

Այս մարդը չլսեց Յիսուսի ըսածը, սակայն ստեղծագործութիւնը լսեց ստեղծիչին պատուէրը ու մարդը բժշկուեցաւ:

Ոչ միայն Յիսուս կրնայ մեզի դպչիլ, բայց նաեւ մենք կրնանք իրեն դպնալ ինչպէս կինը Անոր հանդերձին քղանձքին դպաւ եւ արիւնահոսութիւնը դադրեցաւ:

Թող Տէր Յիսուս դպչի մեզի զօրացնելու, կենդանացնելու, բժշկելու, թարմացնելու եւ ողորմելու:

Թող Յիսուս դպչի մեզի մեր առօրեային մէջ:

 

© 2019 by Dikran Shanlian, Published in «Բարի Լուր» Տարի 27,  Թիւ 233

Շողակաթ Մշակութային Կեդրոն

/in , ,

Բոլորս նոր դպրոցական տարեշրջան մը կը սկսինք, ուր նոր յոյսով, նոր երազներով եւ նոր տեսլականով մը կը դիմաւորենք մեր զաւակներու կրթական բնագաւաւներէն ներս մեր կեանքի բարելաւման գործըթացքը:

Ամբողջացնելու համար դպրոցական համակարգին բացթողումները / օտար վարժարան, ոչ հայեցի կրթութիւն / Հայ Աւետարանական Եղբայրներու Եկեղեցին ի մտի ունի նոր դաստիարակչական ծրագրով մը հանդէս գալ, ներմուծելու համար մեր մատղաշ սերունդի հոգիներէն ներս Հայոց լեզուի եւ մշակոյթի սէրը:

Դժուար եւ մարտահրաւէրներով լեցուն ժամանակի մէջ կ’ապրինք բոլորս, ժխտական երեւոյթները ամէնուրէք են, անոնք ամէն վայրկեան կրնան սպառնալ մեր անհատական, ընտանեկան եւ հաւաքական կեանքին, ու կը  խաթարեն եւ կը ջլատեն անոնց բարոյական եւ հոգեւոր ոյժը: Այս բոլորին դիմաց պէտք է ըլլալ աջալուրջ եւ արթուն:

Հետեւաբար անհրաժեշտ է որ սիրոյ, խաղաղութեան, ճշմարտութեան եւ արդարութեան սերմեր ցանենք եւ աճեցնենք նախ մեր սրտերուն մէջ, ապա մեր զաւակները կոփենք, հոգեւոր եւ Հայեցի դաստիարակութեամբ:

Այս պէտք է ըլլայ մեր առաքելութիւնը: Ահա այս ատեն կրնանք ըսել որ լոյսն ու լաւը ընտրած ենք:

Սիրելինե՛ր, եկէք ուրեմն զարկ տանք Շողակաթ Մշակութային Կեդրոնի Շաբաթօրեայ դասընթացքներուն, եւ թող որ Ս. Հոգիին շողը սփռուի ամէնուրէք ու հոգեպարար կաթիլ մը ծորի եւ ներթափանցէ մեր զաւակներու հոգիներէն ներս:

Թող մեր զաւակները զինուին Աստուածային զօրութեամբ եւ ջատագով հանդիսանան ճշմարտութեան եւ արդարութեան եւ իրենց նպաստը բերեն Հայ ժողովուրդի արդար իրաւունքներուն:

 

Նշան Օղիկեան

 

Ծանօթ: Նուիրման հանդիսութիւն – Շաբաթ Օգոստոս 24, 2019 երեկոյեան 7-ին:

Եկեղեցւոյ ընկերային սրահ, 1800 Lake St. Glendale, CA 91201

Դասընթացքներու սկիզբ – Սեպտ. 7, առաւօտուն 10-ին

(818) 254-8806

[email protected]

Shoghagat.org

###

In Memoriam: Victoria Shanlian

/in ,

A public funeral service to honor Victoria Shanlian has been scheduled for 10 a.m. Saturday, June 29th at Mountain View Cemetery (Altadena, CA) in the Chapel of the Gardens. The Interment Service will follow immediately afterward where Mrs. Shanlian will be buried on the Eagle’s View grounds, next to her husband, Avedis Shanlian, who passed away in 2000.

Victoria (Marganian) Shanlian went home to be with the Lord on Wednesday, June 19, 2019 in Los Angeles, CA.

In lieu of flowers, donations may be made to

Armenian Evangelical Brethren Church

In Memory of Victoria Shanlian

 

Funeral Service & Interment

Saturday, June 29, 10 a.m. at

The Sunrise Chapel

Mountain View Cemetery

2400 North Fair Oaks Ave.

Altadena, CA 91001.

 

Victoria Shanlian Memorial

Ժամանակն Է

/in ,

3 Թագ. 22:7-8,13-14

Ժամանակը հասած է որ մեր մրափէն արթննանք: Ժամանակն է որ մեր նինջէն միապաղաղ եւ միօրինակ «Սթաթըս քո» վիճակէն դուրս գանք:

Իրար հաճոյ ըլլալու, իրար շոյելու այս երկար ձախաւեր վիճակէն դուրս գալու ենք որպէս Աւետարանականներ:

Ժամանակն է որ Աւետարանը, փրկութեան բարի լուրը քարոզենք, մեղքը յանդիմանենք ու Աստուծոյ հաճեցնելու եւ Իր կամքը կատարելու ետեւէն ըլլանք, ջանք ընենք:

Ներկայիս ժամանակն է որ Աւետարանական եկեղեցին արթննայ, եթէ ոչ կորսնցուցած կ’ըլլանք մեր գոյութեան պատճառը:

Մեր երկրաւոր կեանքի ընթացքին լսած ենք տարբեր լոզունքներ, որոնք տարածուած ու կրկնուած են ժամանակներու ընթացքին: Յաճախակի լոզունք եղած է, թէ՝ միութիւնը զօրութիւն է:

Սակայն, միութիւնը միշտ ալ զօրութիւն չէ:

Զօրութիւն չէ՝ երբ խառն լծակցութիւններ կան, ընտանիքը կը քայքայուի, ընկերութիւնը կը քանդուի: Զօրութիւն չէ՝ երբ անձը կը պաշտուի ու մարդահաճոյութիւնը իր գագաթնակէտին կը հասնի, վկայ աղանդներն ու մոլոր վարդապետութիւնները: Զօրութիւն չէ՝ երբ այդ միութիւնը մարդկօրէն կը կառավարուի, արուեստական է, անձնասիրական շահեր ու նպատակներ կը հետապնդէ, վկայ անցեալի Սովետական Միութիւնը եւ շատ մը երկիրներու եւ կազմակերպութիւններու վիճակը:

Մարդը գոհացնելէ ու մարդուն հաճեցնելէ, այդ տխրահռչակ վիճակէն դուրս գալու նպատակով Աւետարանական առաջին հերոսները՝ մեր նախահայրերը, որոշեցին հետեւիլ Աստուածաշունչին՝ եւ ոչ թէ մարդուն, ճշմարտութեան՝ եւ ոչ թէ կեղծիքին ու մեղքին: Ճշմարտութեամբ ապրելու եւ գործելու համար, ժամանակն է որ Աստուածաշմչական առողջ ապրելակերպը իրականացուի ամէն հայու եւ մասնաւարաբար ամէն Աւետարանականի կեանքին մէջ:

Միապաղաղ ու գաղջ, մարդկային ու անպտուղ կեանքէն, խառն լծակցութենէն ազատելով, ապաւինիլ Անոր որ սկսած է մեր մէջ շնորհքի փառաւոր գործը: Երրորդ Թագ. Գիրքին մէջ կը նկարագրուի անհաւատներու հետ միութեան մը, լծակցութեան դէպքը, որ տկարութեան առաջնորդեց եւ ողբերգական վիճակներ ստեղծեց:

Զգոյշ…Աստուած միշտ ալ պատրաստ է տկարները գործածելու, բայց ոչ անմաքուրները:

Միութիւնը առանց ճշմարտութեան վտանգաւոր է, եւ սարսափելի հետեւանքներ կ’ունենայ:

Եկեղեցին սէր ու սրբութիւն թող շեփորէ, մինչ սէրը կը գրաւէ ու կը հրապուրէ, սակայն արթնութիւնը մեղսալից կեանքէն կը հեռացնէ միշտ դատապարտելով մեղքը ու բացայայտելով մեզի շնորհուած վերին կոչումը:

Աղջնակ մը աղօթեց, «Տէր, օգնէ ինծի որ կատարեմ ինչ որ կ’ուզես, եւ ինչ որ ուրիշներ կ’ուզեն որ կատարեմ»: Ահաւասիկ անկարելի աղօթք մը, Աստուած այս աղօթքին պատասխան չունի:

Անշուշտ դէպքերը ծանօթ են. հեթանոս Աքաաբ ունեցած էր Յովսափատ աստուածավախ թագաւորին օգնութիւնը: Միշտ ալ նման դաշնակցութիւններ կը վերջանան ամօթով ու պարտութեամբ: Ի՞նչ գործ ունի լոյսը խաւարին հետ:

Յովսափատ կ’ուզէր Տէրոջը մարգարէին հարցնել: Գիտակից ըլլանք որ կան մարգարէներ եւ կայ Տէրոջը մարգարէն: Աքաաբ ցոյց տուաւ Միքիան ու յայտնեց իր ատելութիւնը այդ Տէրոջ ծառային: Երբ ճշմարտութիւնը խօսիս աշխարհէն պիտի ատուիս ու գործակիցներդ վանողական դիրքաւորում պիտի ունենան քեզի հանդէպ: Read more